ACMHAINNÍ DO MHÚINTEOIRÍ BUNSCOILE

Breathnaigh Gníomhaíocht 3: Na Scéalta á nInsint: Breathnaigh ar Thascanna 1 - 3:

TASC 1: DAOINE A CHÓNAIGH AR SHRÁID HENRIETTA

Caithigí súil ar an dá phictiúr agus ar an bhfíseán de dhaoine a chónaigh ar Shráid Henrietta ag amanna éagsúla:

Lady Mary Molesworth<br />
Image ©National Trust Images/Derrick E. Witty — Lady Mary Molesworth
Image ©National Trust Images/Derrick E. Witty

Children on Henrietta Street<br />
Courtesy of the Royal Society of Antiquaries of Ireland — Children on Henrietta Street
Courtesy of the Royal Society of Antiquaries of Ireland

Roghnaígí duine amháin ó gach pictiúr nó físeán agus déanaigí plé ar an méid seo a leanas:

Dar libh céard a bhí á smaoineamh agus á mhothú acu ag an nóiméad sin?
Cén sórt pearsantachta atá acu, dar libh?
Cén bealach ina bhfuil na daoine seo mar an gcéanna? Céard iad na difríochtaí eatarthu?
Dá rachadh na daoine seo isteach i meaisín taistil ama agus dá gcasfaidís ar a chéile, céard a bheadh le rá acu lena chéile? An mbeidís mór le chéile? Cén fáth?

TASC 2: LITREACHA ÓN AM ATÁ CAITE

Scríobhaigí litir ón mBantiarna Molesworth chuig cara léi ag insint dó/di faoi Shráid Henrietta.
Scríobhaigí litir ó dhuine de na páistí ón ngrianghraf den tionóntán chuig cara atá ag cónaí faoin tuath ag insint dó/di faoi Shráid Henrietta.

TASC 3: LÁ DEN SAOL

Cumaigí scéal faoi lá amháin i saol duine de na daoine sna pictiúir ó Thasc 1, óna d(h)earcadh féin. Is féidir libh fianaise a úsáid chun an scéal a dhéanamh níos réalaíche. Is féidir é seo a dhéanamh trí scríobh, tarraingt, péinteáil, cartún a dhéanamh, aisteoireacht, amhránaíocht nó damhsa.