ACMHAINNÍ DO MHÚINTEOIRÍ BUNSCOILE
Breathnaigh Gníomhaíocht 4: Iarsmalann a Dhéanamh: Breathnaigh ar Thascanna 1 - 3
TASC 1
- Smaoinígí ar na hócáidí tábhachtacha a tharla le linn bhur saoil, m.sh. breithlá, nó bhur gcéad lá ar scoil. Cuirigí na hócáidí seo ar líne ama san ord inar tharla siad.
- Déanaigí machnamh ar an gcineál ‘fianaise’ a d’fhéadfadh sibh a fháil le cur leis an líne ama, mar shampla grianghraif, earraí, pictiúir a tharraing sibh, agus ansin
cuirigí le bhur líne ama iad.
- Smaoinígí ar dhuine comhaois libh féin ag fás aníos in 14 Sráid Henrietta sa ré Seoirseach. Céard iad na cosúlachtaí a bheadh idir an dá líne ama? Céard faoi na difríochtaí? An mbeadh na hócáidí céanna ar an líne ama acu nó an mbeadh rudaí difriúla ann?
- Smaoinígí ar dhuine comhaois libh féin ag fás aníos in 14 Sráid Henrietta in aimsir na dtionóntán. Céard iad na cosúlachtaí a bheadh idir an dá líne ama? Céard faoi na difríochtaí? An mbeadh na hócáidí céanna ar an líne ama acu nó an mbeadh rudaí difriúla ann?
TASC 2
- Cruthaígí líne ama díbh féin agus de bhur dteaghlach/bhur gcairde.
- Bailígí trí chineál éagsúla fianaise le cuidiú libh bhur scéal a insint, m.sh. grianghraif, earraí, amhráin.
- Bailígí trí chineál éagsúla fianaise le cuidiú libh scéal bhur dteaghlaigh/na háite a raibh cónaí ort ann roimhe a insint, m.sh. grianghraif, earraí, cuimhní taifeadta.
TASC 3
- Cruthaígí bhur líne ama féin. D’fhéadfaí bhur saol féin nó saol bhur dteaghlaigh, bhur gcairde nó bhur gceantair áitiúil a léiriú.
- Cén cineál fianaise a d’fhéadfadh sibh a bhailiú do bhur líne ama? An foinsí príomha nó tánaisteacha iad, nó meascán den dá rud?
- Bailígí cineálacha éagsúla fianaise le faoi fhás aníos ar Shráid Henrietta - sa ré Seoirseach nó in aimsir na dtionóntán. An foinsí príomha nó tánaisteacha iad, nó meascán den dá rud?
- Déanaigí bhur n-iarsmalann féin den am atá thart agus den lá inniu: Bailígí cuid den fhianaise ar bhur liosta ón líne ama agus faoi 14 Sráid Henrietta agus déanaigí taispeántas di. Tugaigí turas trí bhur n-iarsmalann do bhur rang - d’fhéadfadh sibh an ceol, an damhsa nó an drámaíocht a úsáid.
